السلام عليكم و رحمة الله و بركاته
اذيكم يا قمرات
من كام سنه كده جالى قفكرة انى اعمل عرايس المولد اللى بنشوفها بفستانها الروعه
و عملتها
و فى مولد النبى اللى فات
اتطلب منى من صحباتى انى اعمل لهم
فقلت هصور لكم الخطوات بالظبط
و قولو لى رئيكم
هتحتاجو طبعا مسدس شمع
لازم و تلزقو كويس جدااا كل حاجه
طبعا دى القاعده المدورة بتاعة التورته
و اللى لزقتها فوقه دى الرولة بتاعة مناديل المطبخ الورق طبعا بعد ماخلصت
اعملى عروسه المولد احلى من اللى بتتباع
و بعدين نلزق العروسه و نطولها لغاية مانحس ان الطول كده مناسب
نجيب قماشه بيضاء ستان او اى شىء
ع فكرة انا عملت هنا بفنلة من بتوع جوزى بس تكون بيضا و نضيفه عشان لون العروسه يبقى
ابيض حلو
و نكشكش القماشه
و بعدين نلزق بمسدس الشمع عالقاعده و بعدين نلزق الطرف التانى المكشكش
على الوسط بتاع العروسه
و نجيب تل ناشف و نعمله بنفس الطريقه عشان ننفش العروسه وممكن نستغنى عنه بس دى
كانت عروسه وصايه هههههههه
بعدين نجيب التل العادى اللى هيبقى على الوش و نتنيه اتنين عشان يبقى طبقتين و يدى
فخامه و برضو نكشكشه بالخيط و بعدين نلزقه من ع الوسط
و نلزق الطرف اللى تحت للطبقه الاولى بس و التانيه تبقى مش ملزوقه عشان تدى شكل حلو
الحته اللى فوق اللى هى بلوزة العروسه
حتت تل تحتها قماشه بيضاء و تلزقيها على جسمها بالشكل اللى تشوفيه
و انا كمان عملت بليرو صغير تل
ايه رئيكم و زينتها زى ما نتوشايفين
و دى بقى مش ب 50 زى اللى برة لا و الله تساوى اكتر
و اكلفت عروسه ب 2ج
و متر تل ب 10ج و اى قماشه من عندك بيضاء و التل الناشف من اى جيبونه عندك و بتطلع
طويله نص متر طولها او اكتر
و عملت بقى لبنات اختى اتنين بس احمر
صغيرين مش كبار كده
و عملت لماما و كانت هيصه
ليست هناك تعليقات:
إرسال تعليق