نصائح لترتيب دولابك اوعى يفوووتك

 من طرف بحر الحنين في الأربعاء 3 أغسطس 2011 - 13:56
دولابك هو عنوان غرفتك

والدولاب معركه دااااائمه
ولو كان مترتب تحسى انك مرتاحه وبتلاقى حاجتك على طول



ولكن لو كان دولابك زى ما يكون قنبلة ووقعت فيه





يبقى خليكى معايا خطوة خطوة

1-فضّى الدولاب

حددى يوم وطلعى كل حاجه من الدولاب وحطيها ع السرير

بحيث تكونى شايفه كل حاجه قدامك
*قسمى الهدوم الى (اه) ,(تؤ) , (ممكن)

وحضرى 3 صناديق
لو فى حاجه بقالك كتير ملبستهاش او مش متأكده هتلبسيها تانى ولا لأ
جربيها واقفى ادام المرايا
لو عجبك حطى فى صندوق(اه)
لو مش متأكده ومتردده يبقى(ممكن)
لو قلبك مش راضى عليه يبقى فى صندوق(تؤ)
**اقفل صندوق ال(تؤ) وشوفى لو حد فى عيلتك شايفه انه هيحتاجها ادهاله
لو مش عندكشوفى جيرانك ومعارفك
لو مفيش روحى اتصلى بجمعيه رساله يخدوهم هما ويتصرفوا بقا
**وصندوق ال(ممكن) خزنيه فى مكان قريب منك بحيث تعرفى تطلعى منه حاجه لو عوزتى.
بس لو لقيتى انه طوّل عندك ومفتحتيهوش ومستعملتيش منه حاجه يبقى الاحسن تروحى تتبرعى بيه

**ودلوقتى بما ان الدولاب فاضى نضفيه كويس اوى
ولو متعوده تحوطى مفرش قماش او ورق تحت هدومك يبقى تغيريه
**وقبل ما تحطى صندوق (اه) فى الدولاب
ارجعى وبصة فيه وحطى اللى محتاج نضافه او تخييط او تصليح على جمب
**رتبى الهدوم حسب النوعيه(بناطيل-جيب-فساتين..)
"الترتيب ده هيوفرلك مساحه وهيوفرلك وقت لما تيجى تلبسى بس مترتبيييييش الهدوم متناسقه ازااى
يعنى متحطيش بادى على بنطلون بحكم ان دول لايقين مع بعض
ده هيقلل من اختياراتك "
2-أفكار
*لما تيجى وتعلقى الهدوم ع الشماعات
علقيها كل فى نفس الاتجاه "ده هيوفرلك مساحه)

*زوقى اوضتك باكسسواراتك (بس مش كلها كلها يعنى عشان متبقيش عامله معرض)
* حطى دهبك فى علبه صغيرة وحطيها فى درج او بين هدومك لو عندك رف فى هدوم مش بتستعمليها كتير عشان متوقعش.

*حطى ازايز البيرفيمات الفاضيه بين هدومك بتاعه الخروج

*لو عندك علاقه ورا الباب بتعلقى فيها الهدوم خصصى واحده منهم تعلقى فيها السلاسل والعوقوده عشان ميدخلوش فى بعض

*بدل ما تخزنى بطانيه اذافيه فى الدولاب
طبقيها كويس ودخليها فى كيس مخده وحوطيها على السرير

3-لتخزين الملابس بطريقه مرتبه
* فضّى الجيوب بتاعت الهدوم
*اقفلى السوسات
*زررى الزراير (بحيث تفضل الهدوم محتفظه بشكلها)
*الافصل تعلقى الهدوم المخزنة ومتحطهاش فوض بعض عشان متتكرمش
*الهدوم الحرير والشاموا والمخمل علقيها على شماعات اسفنجيه وعلقيها بالعكس يعنى اقلبيها الناحيه التانيه.

4-نصايح:

*متحوطيش الهدوم الشتوى فى الدولاب اذا كنا فى الصيف
والعكس,خزنيهم فى علبه بلاستيك وحطيهم تحت السرير
*متعلقيش الاحزمة فى شماعات او تسيبيها كده سايحه طايحه فى الدولاب
لفيها بشكل حلزونى كده وحطيهم فى علبه او درج

بس كده كفايه

واشوفكوا بقى فى حلقة تانية يا بنانيت